न्यू योर्कका नेपाली सिनेमाटोग्राफर शम्भु मोक्तान कोरोनाभाईरसबाट संक्रमित उपचारपछि घर फर्किए

निको भएर घर फर्किए उनी

Nepali Cinematographer infected with Coronavirus in NYC returned home: story of miraculous recovery

Updated: Exclusive: न्यू योर्कका चर्चित सिनेमाटोग्राफर शम्भु मोक्तान कोरोनाभाईरस महारोगबाट संक्रमितभै बिगत ६ दिनदेखि लंग आईल्याण्ड जेविस अस्पतालमा उपचाररत थिए तर स्वास्थ्यमा क्रमिक सुधार भएपछि आईतवार बिहान, मार्च २९ मा अस्पतालबाट डिस्चार्ज भएर घर फर्किएकाछन्। यस अघि उनकी श्रीमति नन्दु मोक्तान (फगामी मगर) ले केही दिनमै घर फर्किंने आशा गरिएको जानकारी गराएकिथिईन्। सिनेमाटोग्राफर मोक्तानले आफूलाई कोरोनाभाईरस रोग कसरी लाग्यो भन्ने कहानी नेपालिजम डट कमसंगको फेसबुक च्याट गर्दै बेलिबिस्तार लगाएकाछन्। शम्भु मोक्तान बेलायतको बिकन्सफिल्ड मिलिटरी कलेज लण्डनबाट सन १९९३ मा भिडियोग्राफी ट्रेनिङ लिएका पूर्व ब्रिटिश गोर्खाली सैनिक र सफल सिनेमाटोग्राफर हुन् । मोक्तानले सन् २००४ देखि न्यू योर्कमा भिडियोग्राफी ब्याबसाय गर्दै आएका छन् भने ३ वटा नेपाली चलचित्र र ३० भन्दाबढी म्यूज़िक भिडियोहरूमा आफ्नो भिडियोग्राफीको सिनेम्याटिक प्रतिभा देखाई सकेकाछन्।

उनलाई कसरी लाग्यो कोरोनाभाईरस?

सिनेमाटोग्राफर शम्भु मोक्तानले मार्च १३ मा न्यू योर्कको ज्याक्सनस्थित आफ्नो भिडियो एडिटिंग स्टुडियो कोरोनाभाईरस संक्रमणबाट बँच्न बन्द गरिएको सूचना आफ्नो फ़ेसबुक पेजमार्फत जानकारी गराएका थिए। त्यसको केही दिनमै उनलाई टाउको र पाखुरामा सोला हाने जस्तो भएछ जुन पेनकिलर ओखती खाएपछि सन्चो हुँदोरहेछ। उनले आफूलाई कोरोनाभाईरस संक्रमण रोग लाग्ने कुनै पनि लक्षण देखा नपरेकोले हप्तादिनसम्म अन्य उपचारमै समय खर्च गरेको उल्लेख गरेकाछन्।

उनले आफूलाई लागेको रोगबारे यसरी बताए:

“ बजारमा भनिएको कोरोनाको सिम्टम र मेरोमा भा’को सिम्टम एउटै पनि मिलेको थिएन। मलाई खाली पाखुरा र टाउकोमा सोला हान्थ्यो अनि पेनकिलर खाएपछि ठीक हुन्थ्यो तर ३-४ घण्टापछि फेरी उस्तै कुरा रिपिट हुन्थ्यो। यसरी जबर्जस्ती गर्दै एक हप्ता ओभर भएपछि निको हुनुको सट्टा झन सास फेर्न गाह्रो हुन थालेपछि इमर्जेंसी हस्पिटलमा एडमिसन भएँ। सबै टेष्टहरू गरेपछि दुई दिन पछि (कोरोनाको) रिपोर्ट पोजिटिव आयो अनि ट्रीटमेण्ट कन्टिन्यू जारी छ।”

सिनेमाटोग्राफर मोक्तानले पाँच दिनको उपचारपछि अलिक बिसेक भएपछि मार्च २७ तारिख आफ्नो फेसबुक पेजमार्फत आफूलाई कोरोना लागेको कुरा यसो भनेर सार्वजनिक गरेका थिए:

“Lady Liberty is crying!

गुनासो गर्दैछिन रे कि अब म पनि बुड्ढी भएछू

येत्रो cherry blossom अनि अत्ती सौन्दर्य मौसमको बावजुत पनि visitors नआऊनु को कारण के? तेस्को मतलब म पनि अब बूढ़ी भएछू मलाई यो 2020 बाट सबले छि छि गर्न थालेछन !

तर म त भनछू don’t worry lady liberty you are still shine and beautiful, unfortunately, we are not going to come to meet you because of the coronavirus crisis, the world is in trouble, we are in trouble and I AM IN TROUBLE, please pray for me🙏😢🙏”

सिनेमाटोग्राफर मोक्तानले उच्च गुणस्तरको चलचित्र निर्माण गर्न प्रयोग गरिने आफ्नो रेड एपिक क्यामेरा सहित अरु २ वटा रेड एपिक क्यामेरा लिएर सन् २०१४ को अप्रिलमा नेपाल पुगेर नेपाल चलचित्र बिकास बोर्ड, नेपाल निर्देशक समाज र नेपाल पर्यटन बोर्डसंग मिलेर पोखरा शहरमा नेपाली चलचित्रका पुराना र नयाँ सिनेमाटोग्राफरहरुलाई रेड एपिक क्यामेरा सन्चालन सम्बन्धी तालिम दिएर फर्केका थिए ।

सिनेमाटोग्राफर शम्भु मोक्तान नेपालिजम डट कमसंग पोहर साल गाभिएको (मर्ज भएको) न्यू योर्क र न्यू जर्सीबाट सन् २००७ देखि संचालित लोकप्रिय नेपाली न्यूज पोर्टल युएसनेपालअनलाईन डट कमको कन्ट्रिब्यूटिंग भिडियोग्राफर रहेका थिए। सन् २००८ सालमा न्यू योर्क आएका नयाँ नेपालका प्रथम प्रधानमंत्री प्रचण्ड, नायक भूवन केसी लगायतका दर्जनौं व्यक्तित्वहरूको अन्तरवार्ता मैले लिदा सिनेमाटोग्राफर मोक्तानले भिडियो खिचेका थिए।

Let’s pray for his speedy recovery.

-Pradeep Pariyar Thapa

Editor-in-Chief

Nepalism.com

USNepalOnline