एनआरएनए विज्ञ भेलामा पुरूषहरू मात्र विज्ञ र वक्ता बनाएपछि महिला नेतृहरूबाट बिरोध र वहिस्कार



Exclusive: गैर आवासीय नेपाली संघ (एनआरएनए) को दोश्रो अमेरिका क्षेत्रीय विज्ञ भेलामा पुरूषहरू मात्र विज्ञ र वक्ता बनाएपछि महिला नेतृहरूबाट कडा बिरोध र वहिस्कार गरिएकोछ। यहीं सेप्टेम्बर ४-५ बिच आयोजित भर्चुवल जुम विज्ञ भेलाको उद्घाटनसत्रमा पुरूषहरू मात्र अतिथि र वक्ता राखिएपछि र २५ वटा संगोष्ठी मध्ये महिला फोरूमबाहेक केही मुख्य फोरूमहरूमा समेत पुरूषहरूमात्र राखिएपछि महिला फोरूममा प्यानेलिष्ट वक्ता राखिएका संयुक्त राष्ट्र संघ CEDAW भाईस चेयर बन्दना राणा र नायिका करिस्मा मानन्धरले सहभागिता नजनाउने निर्णय गरेका थिए। यसको लगत्तै एनआरएनए आईसिसी उपाध्क्ष रबिना थापा र एनआरएनए आईसिसी महिला संयोजक भोमा लिम्बूले पनि आफूहरू महिला फोरममा सहभागी नरहने जानकारी महिला फोरम चेयर एवं एनआरएनए क्षेत्रीय महिला संयोजक उमा कार्की थापालाई गराएका थिए। महिला फोरमका अधिकांश वक्ताहरूले विज्ञ भेलामा महिलाहरूलाई समान र सम्मानित प्रतिनिधित्व नदिएको भन्दै फोरममा सम्बोधन गर्न अस्विकार गरेपछि महिला फोरमनै धरापमा परेको हो।


यसै बिच, महिला फोरम चेयर एवं एनआरएनए क्षेत्रीय महिला संयोजक उमा कार्की थापाले एक प्रेस वक्तव्य जारी गरी भनेकिछिन्- ‘हरेक कार्यक्रममा महिलाहरुको प्रतिनिधित्वको बारेमा बोलिरहने म एउटा क्षेत्रीय महिला संयोजक आज NRNA ICC Americas region को Regional Meeting & Conference मा महिला प्रतिनिधित्व एकदमै न्युन देख्दा आजित छु र अत्यन्तै दुखित छु। उनी अगाडि भन्छिन्- ‘हामी महिलाहरुको योगदानको कुनै कदर छैन । महिलाहरुलाई संस्थामा प्रोत्साहनभन्दा निरुत्साहित पार्ने कामहरु भैरहेको छ । ८१ देशमा फैलिएको हाम्रो NRNA network ले महिलादिदिबहिनीलाई नदेखेकै हो त? आम नेपाली दिदिबहिनिहरुको यो प्रश्न छ । धेरै महिला अभियन्ताहरुलाई पाखा लगाउदै आयोजित यस सम्मेलनलाई हामी NRNA ICC रिजनल महिला समितिको तर्फबाट खेद प्रकट गर्न चाहन्छौं !!’

nepalism_com_logo2019011020007.png
  • Facebook Social Icon
  • Twitter Social Icon
  • Instagram
  • YouTube Social  Icon
  • RSS Social Icon
Stay informed. Subscribe to Nepalism.com

2013-2029 by Nepalism.com. News powered & edited by the editors of USNepalOnline, award-winning news portal since 2007.

Nepalism.com is a new-age, data-driven emerging digital media platform for Nepalis from around the world. We strive to bring in-depth news reporting that matters to our readers and aim to become online marketplace leader with innovative offerings to our digital-age, tech-savvy consumers. Contact: nepalism.com@gmail.com, or, 917-570-1098 (USA)

नेपालीजम (Nepalism.com) डट कम, नौलो प्रबिधीको प्रयोग गर्दै नेपालीत्व र नेपालीपनको पहिचान र प्रवर्धनमा समर्पित प्रतिवद्ध नेपाली मिडिया हो । नेपालीजमलाई पाठकहरुले माया गर्नु हुनेछ भन्ने पूर्ण विश्वास लिएकाछौं ।