ट्रम्पको दोस्रो कार्यकाल र अपेक्षा

Exclusive: पूर्व राष्ट्रपति डोनाल्ड जे. ट्रम्प आफ्नो विभाजनकारी भनाई र नीतिहरूको बाबजुद अमेरिकाको राष्ट्रपतीय चुनावमा विजयी भएका छन्। ट्रम्पको यो विजय अमेरिकाको भूराजनीतिक परिदृश्यमा महत्वपूर्ण अध्यायको सङ्केत गर्छ, जसले गम्भीर परिणामहरू ल्याउन सक्छ। तर, हामी आशा गरौं कि सबै कुरा राम्रो होस्। अर्कोतर्फ, उपराष्ट्रपति कमला ह्यारिसले पहिलो राष्ट्रपति जर्ज वासिङ्गटनको उद्घाटन १७८९ पछि २३५ वर्षसम्म चलेको पुरुष राष्ट्रपतिहरूको क्रम तोड्न सकिनन्। अमेरिकी महिलाहरूले मतदानको अधिकार पाएको एक शताब्दीअघि अगस्ट २६, १९२० मा मात्र थियो, तर ह्यारिस र हिलारीको मत पराजयले प्रमाणित गर्यो कि अमेरिका अझै महिला राष्ट्रपति निर्वाचित गर्न तयार छैन।

दुर्भाग्यपूर्ण भन्नु पर्छ, ट्रम्पको दृष्टिकोणले अक्सर विभाजन ल्याएको छ। उनका आलोचकहरूले उनलाई आप्रवासी समुदायहरूको भूमिकालाई खण्डित गर्ने र अमेरिकाको समृद्ध इतिहासमा योगदान पुर्याउने उनीहरूको कहानीलाई कमजोर बनाउने आरोप लगाएका छन्। उनको प्रशासनले यसअघि ल्याएको नीतिले अमेरिकी मूल्यमान्यताहरू उपर चुनौति दिदै एकता भन्दा विभाजन गर्दै समावेशिता र विविधताको आदर्शलाई चुनौती दिएको थियो।

ट्रम्पले पुनः पदभार सम्हाल्ने तयारी गरिरहेका बेला, हामी उनको प्रशासनले एकता र सहिष्णुतालाई प्रवर्धन गर्दै अमेरिकाको मौलिकता विविधतालाई अँगाल्न काम थाल्नु पर्ने कुरामा जोड दिन आग्रह गर्दछौं। समानता र सबैको लागि अवसरका सिद्धान्तहरूमा आधारित यी साझा अमेरिकी मूल्यहरूलाई प्राथमिकता दिन सके अमेरिकालाई एकताबद्ध बनाउन मद्दत पुर्याउनेछ।