सम्झनामा सुक !
मैले चिनेको सुक गुरुङ (Gurung Suk) एक सुन्दर गीतकार र कुशल संगितकार मात्र हैन, जीवन जिउने कलाका अब्बल कलाकार र असल मित्र पनि हुन्। उनको असामयिक निधनले म स्तब्ध छु । लामो समयपछि सामाजिक संजाल फेसबुकले सम्पर्क गराईदिएको मित्रसंग फेरी रिकनेक्ट हुने मेरो ईच्छा सदाको लागि अधुरै रहने भयो।
त्यतिखेर उनी नेपालको पहिलो प्रोफेसनल फोटो स्टुडियो काठमाडौंको न्यूरोडस्थित फोटो कन्सर्नमा कार्यरत थिए र नेपालको चर्चित म्यूजिक ब्याण्ड ‘नेपथ्य’ को शुरूवाती बेलाको बहुचर्चित गीत ‘छेक्यो छेक्यो देउराली डाँडा’ का गीतकार र संगितकारको रूपमा अन्तरवार्ता लिन जाँदा उनीसंग मेरो पहिलो पटक फोटो कन्सर्नमा भेट भएको थियो। उसैबेलादेखिन् हामी अभिन्न मित्र बन्न पुग्यौं। म घरीघरी काठमाडौंको उनको डेरा फ्लाटमा अत्यन्त सिमित साथीहरू बिच हुने साँगितिक माहौलमा रंगिन साँझ बताउन पुगेकोछु। उनको पहिलो गीति एल्बम ‘ईशारा’ रिलिज हुनु धेरै अघि उक्त एल्बमभित्रको चर्चित गीत ‘आँखैमा झलझली’ को पहिलो अन्तरा मात्रै लेखिसकिएको र त्यसैको लागि कम्पोज गरिएको सुमधुर संगीत र उनको गायकी मैले कैयन पटक सुनेकोछु उनको त्यो डेरामा। उनीगीत र संगितका यस्ता साधक र पारखी थिएकि परिष्कार र निखार ल्याउने बाहनामा उनले महिनौं एक अन्तराको भाका र त्यसकै संगितमा बिताईदिन्थे। उनलाई आफ्नो घरमा साथीभाईसंग साँगितिक साँझ बिताउँदा सौखिनपाराले पिउने खुब आदत पनि थियो। उनको मिजासिलोपन, आत्मीयता, गीतसंगितप्रतिको गहिरो लगाव र दखलले उनले साथीहरूको माया मनग्गे बटुले। मैले पनि उनलाई औधी माया गरें
हाम्रो नियमित मित्रवत् स्नेहतामा म प्रवासतिर बरालिन थालेदेखिन् बिर्से झैं भा’को थियो। धेरैपछिमात्र हाम्रो फेरी फेसबुक मेसेन्जरमा सम्पर्क हुन थालेको थियो तर झण्डै दुई दशकपछि फेरी भेट्ने अभिलाशा निष्ठुरी दैबले पुरा हुन दिएन। मैले अझ धेरै माया र मिस गरेकोछु उनको अभावमा। तिनै मेरा अनन्य मित्र तथा नेपाली सांगितिक क्षेत्रका चम्किला नक्षत्रप्रति श्रद्धा सूमन् व्यक्त गर्दछु।🙏💞😭🙏
-प्रदीप परियार थापा
प्रधान सम्पादक
नेपालिजम् डट कम
सुपरिचित गीतकार तथा संगितकार सुक गुरुङको असामयिक निधन
सुपरिचित गीतकार तथा संगितकार सुक गुरुङको ५४ वर्षको उमेरमा असामयिक निधन भएकोछ।सन् १९६५ मा लम्जुंगमा जन्मेका गीतकार तथा संगितकार सुक गुरुङको आफ्नो रचना र संगितभएको ‘ईशारा भाग-१-२’, ‘सिरानी’ र ‘निवेदन’ म्यूजिक नेपालबाट प्रकाशित छ भने विरानो माया, तिर्सना, सूचनालगायत जम्मा ११ वटा एल्बमहरू प्रकाशित छन्।
Read details news at:
https://www.nepalism.com/post/prominent-musician-lyricist-suk-gurung-passes-away