U.S. Census 2020 Countdown: Days to go: 14: अमेरिकी जनगणना २०२० मा नेपाली किन छुट्नु हुँदैन?


Exclusive: नेपालिजम डट कमले आउँदो पन्ध्र दिनसम्म अर्थात जनगणना दिवस (अप्रिल १ तारिखसम्म) U.S. Census 2020 Countdown प्रकाशित गर्नेछ। काउण्टडाउन फ्लायर हरेक दिन प्रकाशन हुनेछ। अमेरिकी सरकारले हरेक दश वर्षमा लिने जनगणना यो वर्ष अप्रिल १ तारिख Census Day (जनगणना दिवस) कै रूपमा शुरू हुँदैछ। नेपाली अमेरिकी समुदायले जनगणनामा सकृयतापूर्वक भाग लिन थालेको सन् २०१० को जनगणनादेखि हो तर विगतमा जेजति भए पनि योवर्ष सन् २०२० को जनगणनामा नेपाली समुदायको पुराकापुरा जनगणना हुनु समुदायको चौतर्फी हकअधिकारको निम्ति अपरिहार्य कडी हो। समुदायलाई लक्षित गरी प्रदान गरिने शिक्षा, स्वास्थ्य, रोजगारी, तालिम, बाटोघाटो र अनेक सरसुविधा जनसंख्याको तथ्यांकको भरमा दिईन्छ। त्यसैले नेपाली समुदायले जनगणनामा आफ्नो, आफ्नो परिवार, आफन्त र साथीभाईहरूको नाम दर्ज गराउन कुनै कसुर बाँकी राख्नु हुँदैन।


Read details news at: https://www.nepalism.com/post/why-uscensus2020-important-for-nepali-community


अमेरिकाले सन् १७९० देखि आफ्नो जनताको जनगणनाको तथ्यांक लिन थालेको हो। त्यो वर्ष ३९ लाख २९ हजार २१४ अमेरिकीहरूको गणना भएको थियो। सन् २०२० सम्म आईपुग्दा यो सालको अनुमानित अमेरिकी जनसंख्या ३२९ मिलियन (३२.९ करोड) नाघि सकेको छ।


अमेरिकी सरकारको कम्यूनिटी सर्भे (२०१७) अनुसार अमेरिकामा रहेका विदेशमा (नेपालमा?) जन्मिएका नेपालीहरूको जनसंख्या सन् २०१७ मा १ लाख १९ हज़ार ६५० देखाईएको छ भने सन् २०१० मा नेपाली जनसंख्या ४७ हजार १७७ जना देखाईएकोछ। नेपालीहरूको सतप्रतिसतभन्दा बढीबढोत्तरी जनगणनामा प्रतिबिम्बित हुनुले केही फाईदा त भएको छ नै तर यसपाली नेपाली समुदायले पुरा जनगणनामा भाग लिन सकिएन भने समुदायले माथि उल्लेखित बिविध सरकारी सरसुविधाहरूबाट बन्चित हुन पर्नेछ। त्यसैले अमेरिकी जनगणनामा नेपाली समुदाय तदारूकताकासाथ लाग्नु पर्नेछ।


यो वर्षदेखि जनगणना अनलाईनबाट गर्न सकिने व्यवस्था गरिएकोछ। कम्यूनिटी सर्भे भर्न यो लिंकमा जानुहोस्:

https://www.2020census.gov

nepalism_com_logo2019011020007.png
  • Facebook Social Icon
  • Twitter Social Icon
  • Instagram
  • YouTube Social  Icon
  • RSS Social Icon
Stay informed. Subscribe to Nepalism.com

2013-2029 by Nepalism.com. News powered & edited by the editors of USNepalOnline, award-winning news portal since 2007.

Nepalism.com is a new-age, data-driven emerging digital media platform for Nepalis from around the world. We strive to bring in-depth news reporting that matters to our readers and aim to become online marketplace leader with innovative offerings to our digital-age, tech-savvy consumers. Contact: nepalism.com@gmail.com, or, 917-570-1098 (USA)

नेपालीजम (Nepalism.com) डट कम, नौलो प्रबिधीको प्रयोग गर्दै नेपालीत्व र नेपालीपनको पहिचान र प्रवर्धनमा समर्पित प्रतिवद्ध नेपाली मिडिया हो । नेपालीजमलाई पाठकहरुले माया गर्नु हुनेछ भन्ने पूर्ण विश्वास लिएकाछौं ।