स्वार्थ बाझिने (Conflict of Interest) हुने गरी मन्त्रीहरू बहाल रहँदासम्म सुशासन हुन्छ?

-प्रदीप परियार थापा

Exclusive: नेपाल सरकारको नवनियुक्त प्रधानमन्त्री प्रचण्ड र उनको नयाँ गठबन्धन सरकारका केही मन्त्रीहरूको सीधै स्वार्थ बाझिने (Conflict of Interest) हुने गरी गरिएको नियुक्ति हेर्दा दक्षता र विज्ञताको आधारमा मन्त्रीहरूलाई मन्त्रालयको जिम्मेवारी सुम्पिने बाहनामा मन्त्री र मन्त्री संलग्न कम्पनीहरूको स्वार्थसिद्द मात्र पो हुने हो कि भन्ने शंसय उत्पन्न भएकोछ। यस्ता मन्त्रीहरू स्वार्थ बाझिने मन्त्रालयमा बहाल रहँदासम्म सुशासनको अपेक्षा गर्नु बेकार हुन्छ। वर्तमान सरकारका कार्यकारी प्रमुख प्रम प्रचण्डले यस्ता स्वार्थ बाझिएका मन्त्रीहरूलाई कार्यवाही गरी बर्खास्त गर्ने या स्वार्थ नबाझिने अर्कै मन्त्रालयमा सरूवा गर्ने हिम्मत गर्लान्? अर्कोतिर, स्वार्थ बाझिएका ति मन्त्रीहरूकै कारण राष्ट्रहीत र जनहीतको पक्षमा काम गरेरै छाड्छु भनेर कसम खाएका दुई उपप्रधानमन्त्रीहरू रवि लामिछाने र राजेन्द्र लिंगदेनको स्वच्छ छवि धमिलिने संभावना बढेर गएकोछ। हिम्मत छ लामिछाने र लिंगदेनसंग उनीहरूको दलका ति दुई मन्त्रीहरूलाई पार्टीमा फिर्ता बोलाउने?

यि मन्त्रीहरूको स्वार्थ बाझिने नियुक्तिलाई सच्याउन समय अझै घर्किएको छैन। आशा गरौं, नेपाली फोहोरी राजनितिको कोर्श करेक्सन अवश्य हुनेछ।

कसरी बाझिएको छ स्वार्थ यि मन्त्रीहरूको ?

(क) श्रम मन्त्री नै वैदेशिक रोजगारी सेवा प्रदायक म्यानपावर एजेन्सीको मालिक?

राष्ट्रिय स्वतन्त्र पार्टीका उपसभापतिसमेत रहेका र समानुपातिकबाट साँसद मनोनित डोलप्रसाद (डीपी) अर्यालको स्वार्थ बाझिने सत्तारोहण पार्टी सभापति एवं उपप्रधानमन्त्री रवि लामिछानेको सिफारिसमा प्रम प्रचण्डले अर्याललाई श्रम, रोजगार तथा सामाजिक सुरक्षा मन्त्री नियुक्ति गरेपछि भएको हो। मन्त्री अर्यालको नियत जतिसुकै सफा भए पनि नेपालका अन्य सयौं म्यानपावर कम्पनीहरूका मालिकहरू झैं उनी पनि सृष्टी ओभरसिज इम्प्लोइमेन्ट सर्भिसेज प्रालिको लगानीकर्ता, प्रवर्धनकर्ता र बहालवाला अन्तर्राष्ट्रिय मार्केटिङ निर्देशक रहँदासम्म स्वार्थ बाझिन्छै बाझिन्छ। हेर्नुहोस्ः श्रम मन्त्री अर्यालसमेत रहेको सृष्टी ओभरसिज इम्प्लोइमेन्ट सर्भिसेज प्रालिको फेसबुक कभर ग्रुप फोटो गत वर्ष अप्रिल २२, २०२२ मा अपलोड गरिएको