-Pradeep Pariyar Thapa
Updated: Exclusive: अमेरिकी संयुक्त सदनबाट अन्तत: डेमोक्रेटिक पार्टीका राष्ट्रपति उम्मेदवार जोय बाईडेन अमेरिकाको ४६ औं राष्ट्रपतिको रूपमा औपचारिकरूपमै विजयी घोषित भएकाछन्। जनवरी ६ तारिख बसेको संयुक्त सदनको बैठकले बाईडेनले अमेरिकाको ५० राज्यबाट जितेको ३०६ ईलेक्टोरल मतलाई अनुमोदन गरेपछि उनी औपचारिकरूपमा अमेरिकाको ४६ औं राष्ट्रपति बन्ने पक्का भएको हो। अनेक व्यावधानका बावजूद आज (जनवरी ७) बिहान अमेरिकी संयुक्त सदनले बाईडेनको विजय घोषणा गरेपछि जनवरी २० तारिख जोय बाईडेन अमेरिकाको ४६ औं राष्ट्रपति हुने सुनिश्चित भएकोछ। तर अमेरिकाको भविष्य के हुने हो? सविस्तार तल चर्चा गरौं:
ट्रम्पको बखेडा
गत नोवेम्बर ३ तारिख सम्पन्न आमनिर्वाचनमा बाईडेनले उनका प्रतिद्वन्द्वी रिपब्लिकन पार्टीका उम्मेदवार राष्ट्रपति डोनाल्ड ट्रम्पले प्राप्त गरेको २३२ ईलेक्टोरल मतको विरूद्ध ३०६ ईलेक्टोरल मत ल्याएर विजयी भएका हुन्। विजयी हुन २७० ईलेक्टोरल मत जित्नु पर्दछ।उसो त, बाईडेनले ट्रम्पकोभन्दा ७० लाखभन्दा बढी लोकप्रिय मतले पनि जितेका छन्। दु:खको कुरा, नोवेम्बर ३ को निर्वाचनपछि राष्ट्रपति ट्रम्पले निर्वाचनमा आफ्नो हार स्वीकार गर्न कहिल्यै मानेनन्। यहाँसम्मकि उनले जनवरी ६ तारिख आफ्ना समर्थकहरूलाई संसद भवनमा गएर शक्ति प्रदर्शन गर्न आह्वान गरे जसको कारण उनका समर्थकहरूले संसद भवन तोडफोड गरी भवनभित्र छिरे र बाईडेनको विजयलाई औपचारिकता दिन बसेको संसद अवरुद्ध गर्न सफल भए भने सुरक्षाकर्मी र ट्रम्प समर्थकहरू बिचको झडपमा परी ४ जनाको (१ को गोलीबाट, ३ को स्वास्थ्यको कारण) अनाहकमा निधन हुन पुग्यो भने दुबै पक्षका कैयन घाईते हुन पुगे। समाचार अनुसार ७० प्रदर्शनकारहरूलाई प्रहरीद्वारा गिरफ्तार गरिएको छ भने झडपमा ५६ सुरक्षाकर्मीहरू घाईते भएकाछन्। अमेरिकाको आधुनिक संवैधानिक ईतिहासमा पहिलो पटक घटेको यस्तो अराजक घटनालाई सर्वपक्षबाट भर्त्सना गरिएकोछ।
अमेरिकाको भविष्य
नवनिर्वाचित राष्ट्रपति जोय बाईडेनको काँधमा अब राष्ट्रपति ट्रम्पको विगत चार वर्षे कार्यकालमा विभाजित मानसिकताबाट गुज्रिन वाध्य अमेरिकी जनतालाई एकताको सुत्रमा बाँध्नु त छँदैछ, उनको सरकारले कोरोना महामारीबाट तहस-नहस भएको अमेरिकी अर्थतन्त्रलाई उकास्न र करोडौं बेरोज़गार र गरीब जनतालाई रोजीरोटीको व्यवस्था गर्ने गहन र तडकारो जिम्मेवारी छ। तर यो जिम्मेवारी पुरा गर्न सजिलो छैन।
खुशीको कुरा, जर्जियामा सम्पन्न सिनेट पुन:निर्वाचनमा डेमोक्रेटिक पार्टीका दुई उम्मेद्वारहरू विजयी भएपछि अब अमेरिकाको दुबै सदनमा डेमोक्रेटिक पार्टीको बहुमत हुने भएकोछ।
अमेरिकाको तल्लो सदन हाउस अफ रिप्रिसेन्टेटिबमा डेमोक्रेटिक पार्टीको पहिलेदेखिनै बहुमत छ। यो सदनमा अहिले डेमोक्रेटिक पार्टीको २२२ सिट हुने छ भने रिपब्लिकन पार्टीको २१२ सिट हुने छ। त्यसैगरी, माथिल्लो सदन सिनेटमा डेमोक्रेटिक पार्टीको ५० सिट हुने छ भने रिपब्लिकन पार्टीको ५० सिट हुने छ। तर यस्तो बराबरी अवस्थामा उपराष्ट्रपतिले निर्णायक मत हाल्ने व्यवस्था भएकोले डेमोक्रेटिक पार्टीको बाईडेन टिकटबाट नवनिर्वाचित उपराष्ट्रपति कमला ह्यारिसले निर्णायक मत हाल्दा डेमोक्रेटिक पार्टीको बहुमत हुनेछ।
दुबै सदनमा झिनो भए पनि आफ्नो पार्टीको बहुमत कायम भएको अवस्थामा राष्ट्रपति जोय बाईडेनलाई राहत र विकासका आफ्ना एजेण्डाहरू पास गराउन र कार्यान्वयन गर्न कसैले छेक्न सक्दैन।फटाफट राहत र विकास निर्माणमा लाग्न उनको सरकारले ढिलाई गर्नु हुँदैन।
बाईडेन सरकारको अगाडि अर्को महत्वपूर्ण कार्य छ- ट्रम्पको शासनकालमा अमेरिकालाई विश्व राजनीतिक सहकार्यबाट अलग्याईएको अमेरिकी परराष्ट्र नीति र सम्बन्धको पुनर्थापना र पुनर्निर्माण। ग्लोबलाइज़ेशनको जमानामा ट्रम्पको अन्धराष्ट्रवादी एकलकाँटे नीतिलाई जतिसक्दो चाँडो बन्देज गरी विश्वमानचित्रमा अमेरिकी अगुवाई कायम गर्न लाग्नु जरूरी छ।
डेमोक्रेटिक बाईडेन सरकार र बहुमतको डेमोक्रेटिक संयुक्त सदनले आप्रवासी (ईमिग्रेन्ट) समस्या समाधान, लैंगिक, जातीय र रंगभेदको अन्त्यको निम्ति ठोस कदम चाल्ने अपेक्षा गर्न सकिन्छ। तर यि समस्याहरू अहिले सृजना भएका हैनन्, दशकौं र सदियौंदेखि अमेरिकी समाजमा यथावत रहीरहेको र यसको समाधान आमूल परिवर्तनबाटभन्दा पनि आंशिक (ईन्क्रिमेन्टल) रूपमा हुँदै आएको विगत दृष्टान्त हेर्दा बाईडेन सरकार र बहुमतको डेमोक्रेटिक संयुक्त सदनले छुमन्तर गरी समाधान गर्ला भनेर ढुक्क हुने कुनै आधार छैन तर आशावादी भने हुन सकिन्छ।
यता प्रेसिडेंट ईलेक्ट बाईडेनले पटक पटक आफू सबै अमेरिकी जनताको राष्ट्रपति हुने प्रण गर्दै आएकाछन्। उनले अमेरिकी जनता बिच सद्भाव र एकताको अपील गर्दै आएकाछन्। उनी अहिले ७८ वर्षका छन्, उनको पहिलो कार्यकाल पुरा गर्दा ८२ वर्षका हुनेछन्। उमेरका कारण उनी सम्भवत: दोश्रो कार्यकालको लागि लड्ने छैनन्। यो कार्यकालमैं बाईडेनले अमेरिकी जनताको लागि दूरगामी परिवर्तनको लागि राम्रा कदमहरू चाल्ने आशा गर्नु मुनाशिव हुनेछ।
ट्रम्पको स्वीकारोक्ति
यसैबिच, संसदले बाईडेन विजयी घोषणा गरेलगत्तै राष्ट्रपति ट्रम्पले पहिलो पटक जनवरी २० तारिख सत्ता सहज हस्तान्तरण हुने उल्लेख गरेकाछन्। तर उनले अझै पनि निर्वाचन परिणामप्रति आफू सहमत हुन नसक्ने जिकिर पुन: गरेकाछन्:
"Even though I totally with the outcome of the election, and the facts bear me out, nevertheless there will be an orderly transition on January 20th...”
ट्रम्पको सोसल मिडिया बन्देज
यसैबिच, राष्ट्रपति ट्रम्प कति ग़ैरज़िम्मेवार छन् र देशमा अशान्ति र बिग्रह गर्न किन्चित प्रवाह गर्दैनन् भन्ने कुरा फेसबुक र ट्वीटरले राष्ट्रपति ट्रम्पले समाजमा अराजकता सृजना गर्ने पोष्ट गरेकोभन्दै जनवरी ६ तारिखको ट्रम्पद्वारा प्रकाशित अधिकांश (फेसबुकको १५ वटा र ट्वीटरको १४ वटा) पोष्टलाई खतरा जनाउ (फ्लाग अफ) र (डिलिट) गरिदिएकाछन् भने फेसबुकले जनवरी २० तारिख हुने नवनिर्वाचित राष्ट्रपति उद्घाटन समारोहको भोली पल्टसम्मको लागि ट्रम्पको फेसबुक र ईन्स्टाग्राम पोष्ट गर्ने सुविधा बन्द गरिदिएको घोषणा गरेकोछ। त्यसैगरी, जनवरी ६ तारिख, ट्वीटरले १२ घण्टाको लागि ट्रम्पको ट्वीट पोष्ट गर्ने सुविधा बन्देज गर्दै समाज भाँड्ने पोष्टहरू जारी रहे ट्रम्पको एकाउण्ट सदाको लागि बन्द गरिदिने जनाएकोछ। ट्रम्पको ट्वीटर फलोयर ८८.७ मिलियन (अर्थात ८८ करोड ७० लाख) छन्।
ट्वीटरले भनेकोछ: “Future violations of the Twitter Rules... will result in permanent suspension of the @realDonaldTrump account,”
ट्वीटरको यो चेतावनीपछि ट्रम्पले समाजमा बिग्रह ल्याउने पोष्ट र भिडियो डिलिट गरेका छन्।
उता फेसबुकका संस्थापक मार्क जुकरवर्गले राष्ट्रपति ट्रम्पको फ़ेसबुक पोष्ट बन्देजबारे भनेका छन्:
"The shocking events of the last 24 hours clearly demonstrate that President Donald Trump intends to use his remaining time in office to undermine the peaceful and lawful transition of power to his elected successor, Joe Biden...
We are extending the block we have placed on his Facebook and Instagram accounts indefinitely and for at least the next two weeks until the peaceful transition of power is complete.”
यसैबिच, क्यानेडियन ईकमर्स वेबसाइट Shopify ले ट्रम्पको अनलाईन स्टोर TrumpStore.com मा प्रयोग गरिएको ईकमर्स प्लाटफर्म बन्द गरिदिएको छ ट्रम्पको क्याम्पेन वेवसाईट DonaldjTrump.com को ईकमर्स प्लाटफर्म पनि रोकिदिएकोछ।
सोपिफाईले बन्द गर्नु पर्ने कारण उल्लेख गर्दै भनेकोछ:
“Shopify does not tolerate actions that incite violence,” a Shopify spokesperson said in a statement. “Based on recent events, we have determined that the actions by President Donald J. Trump violate our Acceptable Use Policy, which prohibits promotion or support of organizations, platforms or people that threaten or condone violence to further a cause. As a result, we have terminated stores affiliated with President Trump.”
ट्रम्पले उक्त ईकमर्स प्लाटफर्मप प्रयोग गरी MAGA (Make America Great Again) ह्याट, टिसर्ट लगायत आफ्ना अन्धभक्त समर्हथकहरूलाई बेच्दै आएका थिए।
Related topic for further readings